मुखपृष्ठ

Thursday, July 27, 2023

आॕगमेंटेंड रिॲलिटी : अनुभूती

 


आॕगमेंटेड रिॲलिटी : अनुभूती 

        परिसरात मुलं गप्पा मारतांना त्यांना नवा अनुभव द्यावा म्हणून एआर शी संबंधित ॲप्स सुरू करून मुलांमध्ये प्राणी,पक्षी,डायनासोरचे आभासी चित्र उभे केले.नंतर मुलांना एकत्र करून ती दाखवली.मुलांना नव्या कल्पनेचे अप्रुप वाटले.शिक्षणाच्या नव्या अनुभूतीचे मुलांनी स्वागत केले.

       शालेय परिसरात जंगलातले हरण,हत्ती,वाघ,उंट,मोर,पोपट पाण्यातले अनेक प्रकारचे मासे आज मुलांना भेटायला आले.मुलांनीही या आभासी जगातलं विश्व अनुभवलं.त्याच स्वागत केलं.वर्गातला टेबल,फरशी हवं तिथे मुलं हा अनुभव घेऊ लागली.आॕगमेंटेंड रिॲलिटी ही संकल्पना मुलांनी समजून घेतली.

      प्रत्येक मूल वेगळे असते म्हणजेच त्याची शिकण्याची पद्धतही वेगळीच असते.विद्यार्थ्यांना दृक,श्राव्य,गंध,चव,स्पर्श अशा विविध पद्धतीने शिकवलं जातं नव्हे तर ते शिकतेच.पुस्तकापलीकडील शिक्षण हे फार वेगळे असते.त्याची अनुभूती मुलांना होणं गरजेचं असतं.आॕगमेंटेंड रिॲलिटीने आज मुलांना नैसर्गिक आणि आभासी जगाशी जोडलं.वास्तविक जीवनाचं भान घेतांना आभासी जगातून ज्ञानाचं संवर्धन करणं,ते शिकणं वा तशी संधी उपलब्ध करून देणं हे महत्त्वाचे असते.

      मुलांना शाळेत येण्यासाठी,ते टिकविण्यासाठी नवनवे प्रयोग,उपक्रम हे शाळेत सातत्याने राबवावे लागतात.त्यास विषय,अभ्यास घटकाची जोड दिल्यास ते आनंदाने हे नवे प्रयोग स्विकारतात.शाळेत 'नया कुछ मिलता है' ची भावना त्यांच्यात निर्माण होतेच होते.आपले अध्ययन अध्यापनाचे घटक समजावून देणेही यामुळे सोपे जाते.प्रत्येक शाळा,परिसर,पालक इ.सारेच हे वेगवेगळे असते त्यामुळे प्रयोगांना वाव असावा.तंत्रज्ञानातील बदल हे स्विकारायलाच हवे पण तेही भान ठेवूनच.वेळेचे नियोजन करून असे लहान लहान अनुभव मुलांना टप्प्याटप्प्याने दिल्यास मिळणारा अपेक्षित परिणाम हा मिळतोच.

     एकंदरीत आजचा एआरलुप,ॲनिमल फोरडी,क्वीवर,फेसबुक आॕगमेंटेंड रिॲलिटी अनुभव मुलांना नवा होता.आभासी जगातल्या प्राण्यांना,पक्ष्यांना,वस्तूंना भेटून मुलांना आनंद झाला.आपण या माध्यमातून आपल्या कविता,उजळणी,पाढे,वार,महिने,बाराखडी तयार करूयात हा विचार त्यांच्या मनात आला हे महत्त्वाचे होते.एक प्रयोग दुसऱ्या प्रयोगाला जन्म देऊन गेला हे वेगळे सांगायलाच नको हं...!

प्रेरक आहात..!

प्रेरणा द्या,प्रेरणा घ्या.

@गिरीजादूत











Saturday, July 15, 2023

जिथे कमी तिथे आम्ही

 

जिथे कमी तिथे आम्ही

       गरीब,होतकरू विद्यार्थ्यांना शैक्षणिक मदत व्हावी अन् फक्त ते या साधनांच्या अभावी शाळेपासून वंचित राहू नयेत म्हणून मदतीचा व्हाटस्अपचा एक मेसेज युवा अस्तित्व फाऊंडेशनचे अध्यक्ष किरण पाटील यांना पाठवला होता.त्यास त्याच क्षणाला प्रतिसाद मिळाला.आज प्रत्यक्षात युवा अस्तित्व फाऊंडेशनची टीम जिल्हा परिषद प्राथमिक शाळा उंबरधे येथे आली अन् मुलांच्या चेहऱ्यावर हसू फुलवून गेली.

      विद्यार्थ्यांना ड्रेस,वही,पेन,पेन्सिल,खोडरबर,रंगपेटीपासून विविध शैक्षणिक साहित्य आज मिळालेत.विद्यार्थ्यांशी हितगूज साधतांना युवा अस्तित्व टीमला आनंद झाला.विद्यार्थ्यांना मार्गदर्शन करतांना,"जीवनात अभ्यासाचं महत्त्व सांगताना चांगला माणूस बना." हा अनमोल संदेश टीमने यावेळी दिला.विद्यार्थ्यांशी सेल्फी,त्यांच्यात बसून संवाद साधणं हे खास भावलं.

     तळागाळातल्या लेकरांसाठी आज थेट नाशिकहून मालेगाव गिरणा डॕमजवळ म्हणजेच जळगाव जिल्ह्याच्या सीमेपर्यंत युवा पोहोचलेत हे विशेष.आज त्यांनी मदतीचा हात तर दिलाच पण भविष्यातील वाटचालीकरिता पुन्हा जे आपणांस विद्यार्थ्यांच्या गुणवत्तेसाठी आवश्यक साहित्य लागेल त्यासाठीही आम्ही सदैव तत्पर राहू असा विश्वास देखील दिला.

         आज युवा अस्तित्व फाऊंडेशनचे अध्यक्ष श्री.किरण माणिकराव पाटील,सदस्य श्री.मिनाथ लेवे,श्री.रोहित कासार,श्री.सारंग जाधव,श्री.सचिन भामरे हे विद्यार्थ्यांना शैक्षणिक साहित्य देण्यासाठी आवर्जून उपस्थित होते.राज्यभरातील युवांना सोबतीला घेऊन अवघ्या महाराष्ट्रात आपले कार्यक्षेत्र विस्तारणारे किरण पाटील व टीम युवा अस्तित्व फाऊंडेशन,नाशिक यांचे कार्य खरोखर कौतुकास्पद आहे.शासनाची कोणतीही मदत नसतांना सोबतीला मिळालेले मित्र यांच्या मदतीतूनच हे सामाजिक शैक्षणिक कार्य हे फाऊंडेशन करत असतं.त्यांचा एकत्र येण्याचा प्रामाणिक हेतू हाच या फाऊंडेशनचं महत्त्व अधोरेखित करतो.

       आज युवा अस्तित्व फाऊंडेशन,नाशिक यांनी उंबरधे शाळेला दिलेली शैक्षणिक साहित्याची अनमोल भेट निश्चितच मुलांच्या भविष्यकालीन गुणवत्ताविषयक वाटचालीकरिता पथदर्शक ठरेल.मुलांना सहजच यांमुळे शिक्षणाची गोडी तर लागेलच पण दैनिक उपस्थिती ठेवण्यासाठीही ही भेट मदत करेल.गरीब लेकरांच्या चेहऱ्यावर खास हसू होतं फक्त अन् फक्त युवा अस्तित्वच्या टीमच्या आजच्या शैक्षणिक साहित्य भेटीमुळे अन् त्यांनी विद्यार्थ्यांशी साधलेल्या संवादामुळेच..!

       युवा अस्तित्व फाऊंडेशन नाशिक,महाराष्ट्र यांचे ब्रीद 'जिथे कमी तिथे आम्ही' हे खरोखरच कतृत्वाला साजेसे आहे.त्यांचे आम्ही जिल्हा परिषद प्राथमिक शाळा उंबरधे ता.मालेगाव जि.नाशिक येथील सर्व विद्यार्थी,पालक,शाळा व्यवस्थापन समिती,मुख्याध्यापक,शिक्षक वृंद व युवा ऋणी राहू..!

प्रेरक आहात..!

प्रेरणा द्या,प्रेरणा घ्या.

- गिरिजादूत
















Saturday, June 24, 2023

आनंददायी शनिवार

आनंददायी शनिवार

         आमचा शनिवार असतो आनंददायी.झुंबा,योगासनं,प्राणायम,गप्पागोष्टी,गाणी,खेळ सारं असतं आज.मनासारखं शाळेत जगता आलं की शाळा नि घर यात फरक राहत नाही.

     झुंबा तर उपस्थिती वाढविण्यासाठी नवसंजीवनी ठरतोय.आजची उपस्थिती निश्चितच उत्साहवर्धक होती.इथे मुलं शाळेत येणं.ते थांबणं नि शिकणं आव्हानात्मक आहे.'बदल' हळूहळू घडतोय.

       प्रयत्न प्रामाणिक सुरू आहेत.मुलांना शाळेत आणण्यासाठी काही दिवस सातत्याने फिरणं झालं तर निश्चितच उपस्थिती वाढेल.त्यातच गुणवत्ता वाढेल.

प्रेरक आहात..!
प्रेरणा द्या,प्रेरणा घ्या...!











Wednesday, June 21, 2023

जागतिक योग दिन

 जागतिक योग दिन जिल्हा परिषद प्राथमिक शाळा उंबरधे येथे उत्साहात शिक्षण प्रेमी पालक व विद्यार्थी यांनी विविध योगासने,प्राणायम,ध्यान करत साजरा केला.
















Sunday, June 18, 2023

आनंददायी शनिवार

 झुंबा विथ वाडी वाडी ये ...!

ठिकाणं बदललं म्हणून काय झालं? मुलांना नवं ते हवं असतं.जर उपक्रमात नाविन्यता असेल अन् ते जर आनंददायी उत्साह वाढवणारं असलं तर मुलं त्यात पूर्णतः सहभागी होतात.

झुंबा आनंद देणारा व्यायाम प्रकार.यात 'आनंददायी शनिवार' अंतर्गत मुलांना हात,पाय,कंबर,मान यांच्या शारीरिक हालचाली तालबद्धपणे घेण्यात आल्या.

#झुंबा 

#आनंददायीशनिवार

#व्यायाम








Thursday, June 15, 2023

नवगतांचा प्रवेशोत्सव 2023

 नूतन वर्ष नूतन हर्ष नूतन प्रवेशोत्सव उंबरधे..!


शैक्षणिक वर्ष 2023-24 चा प्रवेशोत्सव प्रभातफेरी,गुलाबपुष्प,गणवेश,पुस्तक वाटप करून अन् खेळासह गप्पा,गाणी,नृत्यासह साजरा करण्यात आला.

       तंत्रस्नेही शाळेचा पहिला दिवस आनंददायी व्हावा.नवे ते स्विकारावे म्हणून शाळेच्या नूतन लोगोचे अनावरण कळवाडी केंद्राचे केंद्रप्रमुख किशोर नाना खैरनार यांच्या हस्ते झाले.शैक्षणिक ॲप्सचे अनावरण मुख्याध्यापिका मंगला पवार मॕडम,उपशिक्षक शांताराम मोरे यांच्या हस्ते तर ज्ञानप्रेरणा ब्लाॕग,शाळेचे फेसबुक पेज,यु ट्युब चॕनलचे अनावरण शाळा व्यवस्थापन समिती अध्यक्ष अनिल घुगे व पालक यांच्या हस्ते करण्यात आले.

    नव्या शाळेत स्वागत म्हणून मित्रवर्य देवेंद्र वायडेसह स्वागत करण्यात आले तर किरण केदार सर  व विश्वनाथ घोरपडे सर यांना निरोप देण्यात आला.त्यांनी केलेल्या कार्याचा यशोचित गौरव यावेळी ग्रामपंचायत उंबरधे,शाळा व्यवस्थापन समिती उंबरधे व जिल्हा परिषद प्राथमिक शाळा उंबरधे,विद्यार्थी यांनी केला.

     नूतन वर्षात पहिला दिवस प्रेरक होता..!

प्रेरक आहात..!

प्रेरणा द्या,प्रेरणा घ्या..!


















तंत्रस्नेही रचनावादी दसरा

 परिसरातील पाने, फुले, खडी वापरून मुलांनी "Happy Dasara" अशी अक्षररचना केली. या उपक्रमातून मुलांची कल्पकता आणि कलात्मकता वाढली. नै...