मुखपृष्ठ

Friday, September 6, 2024

AI विथ बाप्पा

 


AI विथ बाप्पा

"सर,गणपतीनं बिंगो करानी का?" चेतन हातातली पेन्सिल बेंचवर रेखाटत बोलला.

"काय रय ते..?" 

"ते नही का,आपण तेला सांगानं आमला हाई बनाडी दे.मंग ते लगेच बनाडी नं चित्र.मांग करं होतं ना आपण."  चेतन भूषणकडे बघत मलाच बोलला.

लेकरांना नाविन्यतेचं भान असतंच असतं.आवडीचा 'बिंगो' AI कॕपिलॉटचा उपयोग आज पुन्हा करता येणार होता.आज नाविनता होती ती चेतनच्या पुढाकाराची. गणपती बाप्पाजी होते पुन्हा तयार AI शी खेळण्याशी अन् मुलांच्या कल्पनेतला बाप्पा बिंगोच्या सोबतीने तयार होणार होता.मग काय मुलांचा बाप्पा भेटला मुलांना नवनव्या रुपात.तो भेटल्यावर मुलांना होणारा आनंद काही औरच होता.

       बाप्पा मुलांना अनेक रुपात भेटला.मुलांचे प्रश्न बिंगोला,'शाळेत जाणारा गणपती बनव,पुस्तक वाचणारा गणपती,सायकल चालवणारा गणपती,ढोल वाजवणारा गणपती,शिकवणारा गणपती,क्रिकेट,फुटबॉल खेळणारा गणपती,पियानो वाजवणारा गणपती,डी जे वाजवणारा गणपती,कम्प्युटर चालवणारा गणपती,रोप लावणारा गणपती,पोहणारा गणपती,झोपणारा गणपती,घोड्यावर जंगलात फिरणारा गणपती,चित्र काढणारा गणपती इ. विविध रूपात मुलांनी आपापला बाप्पा बिंगकडून चित्राव्दारे बनवून घेतला.सहजसुंदर आकर्षक चित्र पाहून मुलांना होणारा आनंद भारीच होता.मुलांच्या तोंडून आपसुकच 'वाव,बाबो,अय बया असं शब्द बाहेर पडत.

       पुढे गणपतीची माहिती व्हावी म्हणून 'जेमिनी' सोबतीला आली.गणपतीचं नावं,गणपतीविषयीची माहिती मुलांनी 'GEMINI' या नव्या AI गप्पा मारणाऱ्या मैत्रीणीला विचारली.ती मुलांना वाचून दाखवली.बाप्पाजी नव्या रुपात आज मुलांना भेटले.

      'BING' अन् 'GEMINI' हे AI  शी संबंधित दोस्त नेहमीच 'नया कुछ' असं मुलांच्या मनात असलेलं प्रत्यक्षात आणतात.मुलांना आनंद होतोच,नवे शोधल्याचा,बनवून भेटल्याचा,अभ्यास झाल्याचा.यानिमित्ताने मुलांची शोधकवृत्ती,कल्पनाशक्ती,नवे शिकण्याची धडपड,मागे पडलेली मुलंही आपली कल्पना बोलून दाखवतात.ARTIFICIAL INTELLIGENCE - AI शी संबंधित ॲप्सचा उपयोग शाळेत होतोय.गणपती नवनव्या रुपात,आपल्यातला बाप्पा भेटल्याचं स्मित मुलांच्या चेहऱ्यावर दिसतं.मनोरंजक,वैयक्तिक अन् नवीन शिकण्याची पद्धत यामुळे  'AI विथ बाप्पा' आज प्रभावी ठरला.गणेशोत्सवाची सुरूवात आमची आयडियाची कल्पना रुजवणारा चेतन आज निमित्त ठरला.मुलांच्या कलानं होणारं अध्ययन अध्यापन नेहमीच प्रभावी अन् परिणामकारक होत असतं.

प्रेरक आहात..!

प्रेरणा द्या,प्रेरणा घ्या..!


@गिरीजादूत 

9665911657

जिल्हा परिषद प्राथमिक शाळा उंबरधे 

ता.मालेगाव जि.नाशिक













Saturday, March 2, 2024

पक्षी वाचवा अभियान,उंबरधे

पक्षी वाचवा अभियान,उंबरधे

        पर्यावरणवादी असलेली ही मुलं पुस्तकातलं जग प्रत्यक्षात जगतात.उन्हाळ्याची चाहूल लागली.आपल्या जवळ असलेल्या टाकाऊ डब्यांना योग्य काप देत झाडाच्या पायथ्याशी अन् झाडावर पक्ष्यांसाठी पाण्याची सोय केलीय.

       टीम पक्षी वाचवा अभियान ही प्रत्यक्षात पुढाकार घेतेय.त्यांना साथ लाभतेय शिक्षकांची.निसर्गाचा सवंगडी पक्षी आपला मित्रच आहे.हे त्यांनी अनुभवलंय.आपल्या सोबत पाखरांची शाळा ही मुलं अनुभवतील.

        मुलांनी प्लॕस्टीक डब्बे,बाटल्या,फुटके माठ,तार,दोरा,सुतळी या साधनांचा उपयोग केला असून गावातील पर्यावरणवादी युवकांनीही यासाठी मदत करून पुढाकार घेतला आहे.

         पक्षी संवर्धन काळाची गरज असून त्यासाठी चिमुकल्यांचा पुढाकार प्रेरणादायी आहे.मुलं 'पक्षी वाचवा अभियान' करिता जागृती करणार आहेत.आम्ही पुढाकार घेतलाय आपणही घ्यावा हा छोटासा संदेश ते देत आहेत.

चला तर मग,
आम्ही सुरूवात केलीय,आपणही करा..!

प्रेरक आहात..!
प्रेरणा द्या,प्रेरणा घ्या..!

@गिरीजादूत
#पक्षीवाचवाअभियान2024
#उंबरधे
#शाळा













Tuesday, February 27, 2024

बालकवी घडतांना

  बालकवी घडतांना

      कवीश्रेष्ठ कुसुमाग्रज यांना अभिवादन करत उंबरधे येथे आज मराठी राजभाषा दिवस हा उत्साहाने साजरा करण्यात आला.पाठ्यपुस्तकातील कवितांचे वाचन यावेळी विद्यार्थ्यांनी केले.काही विद्यार्थ्यांनी स्वरचित कवितांचे सादरीकरण केले.

       आजच्या दिवशी उंबरधे शाळेचे बालकवी आम्हांला शोधता आले.सर्वनामांचा उपयोग करत सृष्टीने स्वरचित 'माय मराठी' तर शिलवानने क्रियापदांचा योग्य उपयोग करत 'मराठी' ही कविता लिहली.दोघांनिही पिक्स आर्ट या ॲप्समध्ये स्वरचित कवितेचे ग्रिटींग्जही तयार केले.राज अन् निखीलने छान प्रयत्न केला.मुलांचा यावेळी शाळेकडून बक्षीस देऊन गौरव करण्यात आला.बालकवी शाळेत निर्माण होण्याचा मुहुर्तमेढ आज कवीश्रेष्ठ कुसुमाग्रजांच्या या जन्मदिनी लाभला हे भारीच आहे.लेकरांना आत्मविश्वास वाढलाय.'आम्ही लिहू शकतो' हा विश्वास लेकरांमध्ये निर्माण झालाय.योग्य व्यासपीठ मुलांना भेटलं.'बालकवी घडतांना' हा अनुभव पुन्हा घेता येतोय.'वाचकांची शाळा' हा उपक्रम अन् त्यातून मुलांना वाचायला मिळत असलेलं साहित्य उपयोगी पडतंय.हे जाणवतंय.

      प्रत्येक इयत्तेतील प्रातिनिधीक विद्यार्थ्यांनी पाठ्यपुस्तकातील कवितेचे वाचन व गायन केले.उपशिक्षक देवेंद्र वायडे सर यांनी


'पन्नाशीची उमर गाठली अभिवादन मज करू नका,

मीच विनवितो हात जोडूनी वाट वाकडी धरू नका'


ही कविता सादर केली.

भरत पाटील यांनी,


'प्रेम कर भिल्लासारखं बाणावरती खोचलेलं,

मातीमध्ये उगवूनसुद्धा मेघापर्यंत पोहोचलेलं'

ही कविता तर मुख्याध्यापक शांताराम मोरे सर यांनी 


'मोडून पडला संसार तरी मोडला नाही कणा

पाठीवर हात ठेवून नुसते लढ म्हणा'


 'कणा' ही कुसुमाग्रजांची प्रसिद्ध कविता सादर केली.

      मराठी राजभाषा गौरव दिनानिमित्ताने आज कवीश्रेष्ठांना कृतीयुक्त अभिवादन करता आले.बालकवी घडतांना अनुभवणं खास होतं.मुलं तंत्रज्ञानाचा उपयोग करायला शिकली हे आणखीनच भारी आहे.

प्रेरक आहात.

प्रेरणा द्या,प्रेरणा घ्या


@गिरीजादूत 

9665911657


















Sunday, February 25, 2024

शॉर्टफिल्म्स अनुभवतांना

 शॉर्टफिल्म्स अनुभवतांना

      "सर,तुमचा हात असा कसा काय झाला होता?" आदित्य बोलला.

    "अरे बाळा,मी तसा रोल केला होता.हा पहा माझा हात चांगला आहे.तुला आवडली का फिल्म?"

प्रा.जयराम माळी मोठ्या कुतूहलाने आदित्यच्या प्रश्नाला प्रतिसाद देतात.

       दप्तरमुक्त शनिवार अन् ठरलेल्या ॲक्टिव्हिटीज् झाल्यावर मुलांमध्ये बाहेरच्या जगाचं भान निर्माण व्हावं म्हणून आठवड्यातून एकतरी सामाजिक,शैक्षणिक,सांस्कृतिक विषयावर आधारित शॉर्टफिल्म ही दाखवली जाते.आज आम्ही आंतरराष्ट्रीय पुरस्कार प्राप्त शॉर्टफिल्म मैला,म्हसणखाई,सैर या शॉर्टफिल्म अनुभवल्या.मुलांचा संवाद यातील कलाकारांशी व्हावा म्हणून या शॉर्टफिल्मचे निर्माते,दिग्दर्शक,कलाकार प्रा.जयराम यांच्याशी व्हिडिओ काॕन्फरन्सने संवाद साधला.यातून त्यांनी मुलांच्या प्रश्नांना उत्तरे दिली आणि शॉर्टफिल्मचा प्रवास त्यांनी सांगितला.

         मागील काही दिवसांपूर्वी 'सैर'चे कलाकार निरज देवरे यांच्याशीही संवाद करता आला होता.मुलं आपलं भावविश्व शोधत असतात.मुलांमध्ये असलेली संवेदनशिलता यावेळी आपल्याला अनुभवता येते.कधी चेहऱ्यावर हास्य तर कधी दुःखाची झालरही येथे पाहता येते.अनुभवातलं जगणं या फिल्ममध्ये पाहत असलेली ही मुलं ती पाहिल्यावर भरभरून बोलतात.विचारलेल्या प्रश्नांना आपल्या भाषेत उत्तरं देतात.कधी कधी स्वभाषेतून समजलेलं बोलून दाखवतात.

        प्रा.जयराम माळी यांच्याशी झालेला संवाद हा प्रेरक होता.स्वतःचं जगणं शॉर्टफिल्मच्या माध्यमातून मांडणारा हा कलाकार गडी सहजच मुलांना आपलंस करण्यात यशस्वी झाला होता.टिव्हीतला कलाकार आपल्याशी प्रत्यक्षात संवाद साधतो हे पोरांना आवडून गेलं.नव नवे विषय घेऊन प्रेक्षकांना सामाजिक भान देणारं हे व्यक्तीमत्व खास होतं.

"पोरांनो कष्टाला पर्यायच नसतो". हे प्रा.जयराम माळी यांचं वाक्य मनात घर करून गेलं.त्यांचा हा प्रवासच प्रेरणादायी होता अन् आहे आमच्यासाठीही.मुख्याध्यापक शांताराम मोरे सर,संगिता पवार मॕम,देवेंद्र वायडे सर यांचाही संवाद यावेळी झाला.शॉर्टफिल्म पाहिल्यावर आलेला अनुभव जयराम सरांशी शेअर करता आला.

        मुलं ही मोठ्या उत्साहाने शाळेत येतात.ते 'हर रोज नया कुछ मिलेगा' या आशेने शाळेत येतात.दररोजच्या जगण्याला थोडं फाटा देत शॉर्टफिल्मच्या माध्यमातून विद्यार्थ्यांमध्ये जीवन मूल्यांचा विकास हा साधता येतो.या शैक्षणिक वर्षात अनेक  शॉर्टफिल्म ह्या मुलांना दाखवता आल्या.त्या पुढीलप्रमाणे ...


सैर

म्हसणखाई

मैला

कोरोना झोन

कट्टी

डांबर

पांढरा चिवडा

चप्पल

चिकाटी

पाढा

पेन्सिल 

कर्म

भिरभिरं 

भाकर

डॉ.बाबासाहेब आंबेडकर

जिजाऊ

स्वामी विवेकानंद

वर्ग

दप्तर

भान्या

वही

झिरो


        या शॉर्टफिल्म जगणं समृद्ध करतात.यु ट्युबवर उपलब्ध आहेत.पाहता येतील.

प्रेरक आहात.

प्रेरणा द्या,प्रेरणा घ्या..!

@गिरीजादूत

9665911657







Thursday, February 15, 2024

तंत्रस्नेही जगणं

 तंत्रस्नेही जगणं

      आमचं तंत्रस्नेही शिक्षण असच हसत खेळत असतं..!

टॕबचा उपयोग करत आज आम्ही अनुभवलं मोजणं,मिळवणं..!

सोबतीने शिकणं,दणादण पटकन बोट फिरवणं,माझच उत्तर कसं बरोबर हे सांगणं,

"हाऊ,सं पाच" म्हणत पटकन उत्तर बरोबर करणं.हे सारं शिकत होती पोरं एकमेकांसोबत..!

         सोबतीने समृद्ध होण्यात खूप मजा असते.हा अनुभव वेळोवेळी घेत असतात.शिकण्याचा आनंद पोरांनी अनुभवला 'Math kids' सोबत.'कामात वा शिकण्यात थोडा बदल केला कि स्विकारतात पोरं' हा आजवरचा अनुभव.प्रत्यक्षात न चमकणारी पोरं आज पटापट उत्तर शोधत होती ती तंत्रज्ञानाच्या या साधनामुळे हे विशेष..!

        'मुलांना नवं हवं असतं' ते फक्त आपण समयसुचकतेने पुरवावं म्हणजे अपेक्षित असणारा परिणाम साहजिकच आपल्याला मिळून जातो.टॕबचा उपयोग सकारात्मक केल्याने मुलांच्या चेहऱ्यावर असणारा आनंद आज पुन्हा अनुभवता आला.

        तंत्रज्ञानचा उपयोग हा वेळोवेळी केल्याने मुलांमध्ये येणारा उत्साह हा चैतन्य निर्माण करणारा असतो.त्यांना मिळालेलं बक्षीस,दिलेलं आव्हान पूर्ण केल्यावर त्यांना होणारा आनंद हा परमोच्च असतो फक्त तशी परिस्थिती निर्माण करणं गरजेचं असतं.तंत्रस्नेही होतांना वाटेला आलेलं जगणं मनसोक्त जगता आलं पाहिजे हा संदेश मुलं प्रत्येक आव्हानाला पार करत देत होती हे विशेष होतं.


प्रेरक आहात..!

प्रेरणा द्या,प्रेरणा घ्या..!

@गिरीजादूत 







Thursday, February 1, 2024

सोबतीने समृद्ध होऊयात

 सोबतीने समृद्ध होऊयात..!


      आज उंबरधे गावाचे भूमीपुत्र पवन ताडगे दादा यांनी शाळेस सदिच्छा भेट देऊन शाळेच्या शैक्षणिक वाटचालीबद्दल समाधान व्यक्त केले आणि शाळेच्या भौतिक बाबींच्या विकासासाठी 3000/- ची आर्थिक मदत केली.दादाने भविष्यात शालेय विकासाला आवश्यक असलेली मदत करण्याचे यावेळी सांगितले.छोट्याशा मुलाखतीत 'नवा दोस्त' मिळाल्याची भावना निर्माण झाली.दादाचा 'प्रेरक संघर्ष' निश्चितच दिशादायी आहे.आधीही टॕब घेण्यासाठी दादाचे अनमोल योगदान होते अन् आजही पुन्हा त्यांच्या दातृत्वाची प्रचिती पुन्हा आली.ऋणी आहोत दादा..!

❤️🙏🏻❤️


         शालेय भौतिक सुविधेत आज ग्रामपंचायत उंबरधे यांच्या सहयोगातून शाळेस सोलर कीट कार्यान्वित झाले.आनंद झाला.नव नव्या उपक्रमात ग्रामपंचायतीचा पुढाकार प्रेरक आहे.❤️🙏🏻❤️


        शरद पवार फेलोशिप अंतर्गत मुलांना तंत्रस्नेही बनविण्यासाठी आज आमच्या ताफ्यात नवा लिनोवाचा टॕब दाखल झाला.❤️🙏🏻❤️


       दोस्त देवाचा मुलांसोबतचा सेल्फी नवा दोस्त सोबतीला आल्याचा आनंद देऊन गेला.


प्रेरक आहात..!


प्रेरणा द्या,प्रेरणा घ्या..!






तंत्रस्नेही रचनावादी दसरा

 परिसरातील पाने, फुले, खडी वापरून मुलांनी "Happy Dasara" अशी अक्षररचना केली. या उपक्रमातून मुलांची कल्पकता आणि कलात्मकता वाढली. नै...